Uchrashuv davomida tomonlar o‘zaro hamkorlik istiqbollari, innovatsion texnologiyalarni huquqiy sohaga tatbiq etish hamda mediatsiya va ADR mexanizmlarida sun’iy intellektning o‘rni yuzasidan fikr almashdilar.
Xususan, nizolarni muqobil hal etish jarayonlarida sun’iy intellekt texnologiyalaridan foydalanish, mediatsiya jarayonlarini raqamlashtirish, tahliliy va texnologik yechimlarni amaliyotga joriy etish masalalari muhokama qilindi.
Uchrashuv yakunida Toshkent mediatsiya markazi hamda “WAKIL AI” kompaniyasi o‘rtasida hamkorlik memorandumi imzolandi. Mazkur memorandum kelgusida innovatsion loyihalarni amalga oshirish, tajriba almashish va zamonaviy texnologiyalar asosida hamkorlikni rivojlantirishga xizmat qiladi.