Konferensiyada “Wakil.AI” tasischilari S.X.Mixliyev va A.Sodiq ishtirok etdi. Ekspert Abdulloh Sodiq "Huquqiy sun'iy intellekt vositalari orqali yuridik faoliyatni transformatsiya qilish" mavzusida ma'ruza qildi.
Ma'ruzada quyidagi muhim masalalar yoritildi:
- Wakil AI platformasi me'yoriy hujjatlarni qidirish, tahlil qilish va tegishli moddalarni aniqlashni daqiqalar ichida amalga oshiradi — bu advokatlarga strategik fikrlash uchun ko'proq vaqt ajratish imkonini beradi.
- Platforma RAG texnologiyasiga asoslangan bo'lib, har bir javob lex.uz rasmiy manbasiga havola bilan taqdim etiladi. Gallyutsinatsiya xavfi arxitektura darajasida bartaraf etilgan.
- Sun'iy intellekt advokatning kasbiy salohiyatini emas, balki mahsuldorligini oshiradi.
Ot chavandozni hech qachon almashtirmagan. Ammo otda ketayotgan chavandoz piyoda borayotganlardan doim o'zib ketgan. Sun'iy intellekt ham yuristni almashtirmaydi — biroq undan foydalanadigan yurist hamkasbidan albatta ustun keladi.
Advokatlar palatasining a'zolarini zamonaviy huquqiy texnologiyalardan xabardor bo'lishga va kasbiy faoliyatida ulardan ongli foydalanishga undaymiz.